२०६७ - भद्र - १७ | 02, September 2010

मौसम

काठमाडौं, नेपाल
अधिक्तम(°से) न्यूनतम(°से) वर्षा
- - -

राशिफल

मन प्रफुल्लित हुनुका साथै काममा प्रगति हुनेछ ।
पराक्रम बढ्नुका साथै काम बन्नेछ ।
साथी संगीबाट सहयोग मिल्नेछ ।
आफन्तको सहयोगमा काम बन्नेछ ।
मनोबल बढ्नुका साथै धन प्राप्त हुनेछ ।
अनावश्यक काममा खर्च बढ्ने छ ।
विपरीत लिंगीको सहयोग मिल्नेछ ।
मन अशान्त रहनेछ ।
इष्टमित्रसँग भेटघाट हुनेछ ।
आफन्तसँग मनमुटाव हुन सक्छ ।
विद्यामा मन जाने छैन ।
धन लाभको योग छ ।

बाँकी अंश

उपराष्ट्रपति झाले लिए शपथ

काठमाडौं/रास- र्सवाेच्च अदालतले नेपाली भाषामा शपथ लिन दिएको आदेश अस्वीकार गरेको करिब ६ महिनापछि उपराष्ट्रपति परमानन्द झाले आइतबार नेपाली र मैथिली दुवै भाषामा पद तथा गोपनीयताको शपथ लिएका छन् ।
हिन्दी भाषामा शपथ लिएकाले र्सवाेच्च अदालतको आदेशबाट निष्त्रिmय अवस्थामा रहेका उपराष्ट्रपति झाको पद शपथसँगै आइतबारदेखि पुनः सक्रिय बनेको छ ।
व्यवस्थापिका संसद्ले राष्ट्रपति र उपराष्ट्रपतिले समेत मातृभाषामा शपथ लिनसक्ने गरी संविधानमा सातौं संशोधन गरेपछि उपराष्ट्रपति झाले पुनः शपथ लिएका हुन् ।
राष्ट्रपति भवन शीतलनिवासमा दिउँसो ३ बजेर ४३ मिनेट जाँदा राष्ट्रपति डा. रामवरण यादवले उनलाई पुनः शपथ गराएका हुन् । राष्ट्रपति यादवले नेपाली भाषामा पढेको शपथको व्यहोरालाई अनुवाद गर्दै झाले सुरुमा मातृभाषा मैथिली र सँगै नेपालीमा शपथ लिएका थिए ।
हिन्दी भाषामा शपथ लिँदा धोती र कर्ुता लगाएका झाले आइतबारको शपथ समारोहमा भने नेपाली राष्ट्रिय पोसाक दौरा-सुरुवाल लगाएका थिए ।
३ बजेर २४ मिनेट जाँदा राष्ट्रपतिभवन पुगेका उपराष्ट्रपति झाले शपथ लिनुअघि प्रधानमन्त्री माधवकुमार नेपालसँग कुराकानी गरेका थिए । राष्ट्रपतिभवनको मञ्चमा भएको सो कुराकानीलगत्तै दुवै जनाले राष्ट्रपतिलाई भेटेका थिए । भेटको करिब ५ मिनेटपछि राष्ट्रपतिले झालाई शपथ गराएका थिए ।
शपथ लिँदा उपराष्ट्रपति झाले राष्ट्रपति यादवले बोल्नुभन्दा अगावै र्'इश्वरका नाममा' भन्ने शब्द उच्चारण गरेका थिए । मैथिली र नेपाली दुवै भाषामा शपथ लिएकाले उनी अकमकिएका थिए ।
शपथ कार्यक्रममा कूटनीतिक नियोगका कुनै पनि अधिकारीको सहभागिता थिएन । यस्तै, माओवादी प्रतिनिधिको पनि शपथ समारोहमा उपस्थिति देखिएन । कांग्रेस नेताहरूको उपस्थिति पनि अत्यन्तै न्यून देखियो ।
शपथमा मधेसवादी दल लोकतान्त्रिक फोरमका अध्यक्षसमेत रहेका उपप्रधानमन्त्री विजयकुमार गच्छदार सहभागी थिएनन् । मधेसवादी दलका नेताहरू महन्थ ठाकुर र राजेन्द्र महतोले भने शपथ समारोहमा भाग लिएका थिए । फोरमका कुनै पनि नेता शपथमा सहभागी भएनन् ।



Comments0

Leave Comments

Please Enter Security Code *

वाटिका

इन्द्बेनी