© 2010 Rajdhani National Daily.
Powered by: F1Soft International
२०६६ - फागुन - २७ | 11, March 2010
समाचार
मौसम| अधिक्तम(°से) | न्यूनतम(°से) | वर्षा |
|---|---|---|
राशिफलबाँकी अंश
२०६६ - माघ - १९
राजधानी संवाददाता
बागलुङ, १९ माघ
१० वर्षेखि सञ्चालित पर्वतको एक संस्कृत पाठशालाका विद्यार्थीले मावि तहको पढाइ सकेपछि भारतको बनारस पुगेर शैक्षिक योग्यताको प्रमाणपत्र लिने गरेका छन् ।
सदरमुकाम कुश्माबजारमा रहेको गुप्तेश्वर वेदवेदांक पाठशाला -गुरुकुल) का विद्यार्थीले यस्तै समस्या भोगिरहेका हुन् ।
सम्पूर्ण्ाानन्द संस्कृत विश्वविद्यालयअर्न्तर्गत सञ्चालित सो विद्यालयमा आर्थिक स्रोत जुटाउन नसक्दा विद्यालयबाट प्रमाणपत्र प्रदान गर्न नसकिएको विद्यालयका शिक्षक पद्माराम उपाध्यायले बताए ।
'विद्यालयमा यतिबेला संस्कृत विषयमात्र अध्यापन गराइएको र अन्य विषयहरू अध्यापन गराउन नसक्दा प्रमाणपत्र लिन बनारस पुग्नुपरेको हो,' उनले भने ।
विद्यालयमा झापा, काभ्रेपलाञ्चोक, रौतहट, स्याङ्जालगायत धौलागिरि अञ्चलका आठदेखि २० वर्षम्मका २५ विद्यार्थी अध्ययनरत छन् ।
उनीहरूले तीन वर्षम्मको अध्ययनपछि भारतको बनारसस्थित सम्पूर्ण्ाानन्द विश्वविद्यालयमा पुगेर एसएलसी परीक्षामा सहभागी भएपछि मात्रै प्रमाणपत्र पाउने गरेका छन् ।
विद्यालयमा अध्ययन गरेकामध्ये हालसम्म एक सयभन्दा बढी विद्यार्थीहरूले बनारसमै पुगेर प्रमाणपत्र लिइसकेको शिक्षक उपाध्यायले जानकारी दिए ।
नागा विश्व गिरी र पशुपति गिरीले विद्यालय सञ्चालनका लागि सहयोग गरेका छन् ।
भारतमा बस्दै आएका उनीहरूले विद्यालय स्थापना भइसकेपछि सञ्चालनका लागि समितिले जिम्मा लिनुपर्ने बताएका छन् ।
सञ्चालक समितिले आर्थिक स्रोत जुटाएर सम्पर्ूण्ा विषयहरू अध्यापन गराउन सकेमा विद्यालयबाटै प्रमाणपत्र दिन सकिने शिक्षक उपाध्यायले बताए ।
विद्यालयमा अध्ययनरत विद्यार्थीहरूमध्ये धेरैजसो सामान्य परिवारका विद्यार्थी रहेका कारण उनीहरूको आवास तथा खाद्यान्नमा समेत सञ्चालक समितिले जिम्मा लिनुपर्ने अवस्था रहेको शिक्षक उपाध्यायले जानकारी दिए ।
Comments0
Leave Comments